+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Оралда жастар төбелесіп, бір адамға оқ тиді

2020 жылғы 21 қазан 12:41
Бөлісіңіз:
Оралда жастар төбелесіп, бір адамға оқ тиді

ОРАЛ. ҚазАқпарат – Оралда жастар топ болып төбелесіп, оқ тиген біреуі жансақтау бөлімінде жатыр, деп хабарлайды ҚазАқпарат тілшісі.

БҚО полиция департаментінің ресми өкілі Болатбек Белгібековтің мәлім еткеніндей, оқиға кеше кешкісін М.Шолохов көшесі бойындағы «Венойл» жанар-жағар май құю стансасы аумағында орын алды.

Кеше сағат 22.10-да хабарлама түскен бойда оқиға орнына таяу маңдағы полиция тобы дереу жіберілді.

Жедел іздестіру шаралары барысында төбелеске жиырма шақты адамның қатысқаны анықталды.

Оқиғаға қатысы бар жастар ұсталып, оларды уақытша оқшаулау изоляторына қамау мәселесі шешілуде. Қалған екеуі іздестірілуде.

Қазіргі кезде оқиғаның мән-жайы анықталып жатыр.

ҚР ҚК 293-бабы 3-бөлігіне (бұзақылық) сәйкес қылмыстық іс қозғалып, тергеу амалдары жүргізілуде.

БҚО денсаулық сақтау басқармасы баспасөз қызметінің нақтылауынша, жедел жәрдемге сағат 22.40-та қоңырау шалынған.

Оқ жарақатын алған 24 жастағы ер адам облыстық көпбейінді аурухананың хирургиялық бөлімшесіне жатқызылды. Осында оның іш қуысына ота жасалды. Жігіттің көптеген ішкі органдары: бауыры, талағы, тоқ және тік ішегі, кеуде тұсы зақымданып, қабырғалары сынғаны белгілі болды. Қазір емделуші жансақтау бөлімінде жатыр.

Еске сала кетейік, бұдан бұрын Оралда бір күнде полицейге пара бермек болған екі жүргізушінің ұсталғанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT