00:40, 04 Қыркүйек 2018 | GMT +6
Оралда үш жасар бала бесінші қабаттан құлап кетті
ОРАЛ. ҚазАқпарат - Оралда үш жасар бала бесінші қабаттан құлап кетті, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға 1 қыркүйек күні 9-шағынауданда орын алды.
Бесінші қабаттан құлап түскен 2015 жылғы бала бас пен мидың ашық жарақатын алған.
«Қазіргі кезде бала қалалық көпбейінді аурухананың жансақтау бөлімінде жатыр. Жағдайы ауыр. Окулист, жақ-бет хирургі, реаниматологтың тарапынан кеңес берілген», - деді ҚазАқпарат тілшісіне А.Сақпосынова.