Оралда туристер мінген көлік бульдозермен соқтығысты

ОРАЛ. ҚазАқпарат – Оралда туристер мінген «Хендай» автокөлігі бульдозермен соқтығысты, деп хабарлайды ҚазАқпарат тілшісі.

Ұқсас жаңалықтар

Павлодар облысында жүк көлігінің жүргізушісі көпірді құлатып кетті

Оралда үш көлік соқтығысып, әйел көз жұмды Ақтөбеде Өзбекстан азаматтары мінген көлік аударылып, бір адам көз жұмды Ақтөбеде түйені қағып кеткен жүргізуші ауруханаға түсті

БҚО полиция департаментінің баспасөз қызметінен түскен мәліметке қарағанда, оқиға бүгін таңғы сағат 09.21 шамасында Зачаган кентінде Саратовқа шығар жолда орын алды.

«Хендай» көлігінде 1974 жылғы жүргізуші мен оның әйелі болған. Олар Кореядан Қазақстан арқылы Ресейге, одан әрі Еуропа елдеріне саяхаттап бара жатыр екен.

Жол апаты салдарынан зардап шеккендер жоқ. Тек көлікке зақым келген.

«Қазіргі кезде жол-көлік оқиғасында кімнің кінәлі екендігі анықталу үстінде. Ерлі-зайыптылар тек корей тілінде ғана сөйлейді. Ағылшынша шамалы біледі. Мән-жайды нақтылауға бұл да кедергі келтіруде», деп хабарлады ҚазАқпарат тілшісіне полиция департаментінің баспасөз қызметінен.

Фото: mgorod.kz