+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Оралда тіркелмеген діни бірлестіктің заңсыз қызметі әшкереленді

2021 жылғы 21 қаңтар 13:56
Бөлісіңіз:
Оралда тіркелмеген діни бірлестіктің заңсыз қызметі әшкереленді

ОРАЛ. ҚазАқпарат – Оралда тіркелмеген діни бірлестіктің заңсыз қызметі әшкереленді, деп хабарлайды ҚазАқпарат тілшісі.

БҚО полиция департаментінің экстремизммен күрес басқармасынан түскен мәліметке қарағанда, діни бірлестікті құрып, оған басшылық еткен екі тұрғын жауапқа тартылды.

ҚР Әкімшілік құқықбұзушылық кодексінің 489-бабына сәйкес Орал қаласының 1988 жылғы Н. және 1986 жылғы И. деген тұрғындарына қатысты хаттама толтырылып, әрқайсысына 145 850 теңге айыппұл салынды. Олардың екеуі де тіркелмеген, протестанттық бағыттағы діни ағымды ұстанған. Қалған келушілермен алдын алу әңгімелері жүргізілді.

Аталған діни бірлестік экстремизммен күрес басқармасы қызметкерлерінің назарына 2019 жылы іліккен. Сол кезде бірлестік басшылары әкімшілік жауапкершілікке тартылып, оларға тиісті органда міндетті түрде тіркелу керектігі туралы ескертілген.

Соған қарамастан, биыл осы діни ағымды ұстанатындар Н-ның жеке үйінде жиналған. Полиция қызметкерлері барған кезде үйде 15-тен астам ересек адам және онға жуық бала болған. Барлық қатысушылар діни әнді жаппай айтып отырған. Демалыс күндері қатысушылар саны бұдан да көбейеді.

Ұсталғандардан ақпараттық парақшалар мен кітапшалар тәркіленді.

БҚО полиция департаментінің экстремизммен күрес басқармасы облыс тұрғындарына қырағылық танытып, дәстүрлі емес діни ағымдарға ілеспеу, заңсыз жиындарға қатыспау керектігін, мұның соңы қатерлі жағдайға соқтыруы мүмкін екендігін еске салады.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT