Оралда тергеу изоляторының қызметкері екі адамды өрттен құтқарды

ОРАЛ. ҚазАқпарат – Оралда тергеу изоляторының қызметкері Абылай Төлеев екі адамды өрттен құтқарды, деп хабарлайды ҚазАқпарат тілшісі.

Ұқсас жаңалықтар

Қызылордада үйі өртеніп, нәрестесі көз жұмған отбасына үй берілді

Түркістанның Созақ ауданында бір күнде 4 автобус жолда қалды Семейде 142 жыл бұрын салынған ғимараттағы өрт 17 сағаттан кейін сөндірілді Cемейде 142 жыл бұрын салынған ғимарат түннен бері өртеніп жатыр

БҚО қылмыстық-атқару жүйесі департаментінің баспасөз қызметі мәлім еткеніндей, Орал қаласы тергеу изоляторының қызметкері А.Төлеев 21 қаңтарда Мұхит көшесіндегі 134-үйдің жанынан өтіп бара жатып, бесінші қабаттан түтін шығып жатқан көрген.

Іштен айқайды естіген ол бірден көмекке ұмтылды. Көршілермен бірге пәтердің есігін бұзып кірді. Қалың түтінге қарамастан, қаймықпай кірген А.Төлеев 35 және 40 жастағы екі ер адамды алып шықты.

Келіп жеткен жедел жәрдем бригадасы А.Төлеевті газдан уланған деп тауып, ауруханаға жеткізді.

Аталған үйдің тұрғындары өміріне қауіп төнгеніне қарамастан, ерлік жасаған жас жігітті әлеуметтік желі арқылы іздеп, тапқан.

Тұрғындар М.Қуанова, О.Питерская, Я.Яшкова, Г.Ыдырысова, Н.Кирилина, А.Жандали, В.Кешельняк БҚО қылмыстық-атқару жүйесі департаментінің бастығы Азамат Ізтелеуовтің атына алғыс айтқан хат жазып, А.Төлеевті марапаттауды өтінген.

Қазіргі кезде Абылай Төлеев ауруханада емделіп жатыр.

Еске сала кетейік, бұдан бұрын Оралда тұрғын үйдегі өрттен 38 адамның қауіпсіз жерге шығарылғанын жазған болатынбыз.