14:37, 29 Тамыз 2019 | GMT +6
Оралда сауда үйінің маңында көлік жанып кетті
ОРАЛ. ҚазАқпарат – Орал қаласында жеңіл көлік өртеніп кетті, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметінен түскен мәліметке қарағанда, оқиға кеше кешкісін болған.
Сағат 18.15-те Сырым Датұлы көшесі бойындағы «Астана» сауда үйі аялдамасы маңында 2011 жылы шығарылған Hyundai Accent автокөлігінің жанып жатқаны жөнінде мәлімет түскен.
Өртті сөндіруге 6 адам, 1 техника жұмылдырылды. «Тілсіз жау» сағат 18.28-де ауыздықталды.
Қазіргі кезде өрттің шығу себебі, кінәлілер, келтірілген шығын анықталуда.
Еске сала кетейік, бұдан бұрын Батыс Қазақстанда облысының трассасында трактор жанып кеткенін жазған болатынбыз.