+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Оралда санитарлық талаптарды бұзған тағы 10 нысан жабылды

2020 жылғы 25 маусым 17:11
Бөлісіңіз:
Оралда санитарлық талаптарды бұзған тағы 10 нысан жабылды

ОРАЛ. ҚазАқпарат – Орал қаласында санитарлық талаптарды бұзған тағы 10 нысан жабылды, деп хабарлайды ҚазАқпарат тілшісі.

Ұқсас жаңалықтар
Алматы облыстық сотының ғимараты карантинге жабылды Рудныйда ойын клубы карантинге қарамастан жұмыс істеп тұрған Карантин: Елордада бір тәулікте 108 кәсіпкерлік нысан тексерілді

Орал қаласы тауарлар мен қызметтердің сапасы мен қауіпсіздігін бақылау басқармасы он нысанның қызметін тоқтату жөнінде ұсыныс берді.

Мұның дені – дүкендер. Атап айтқанда, М.Ықсанов көшесінде «Фруктовый сад», М.Мәметова көшесінде «Chaplin», «Альрамин» жарық шамдары дүкені, Н.Назарбаев даңғылында «Рахат» асханасы, Әбілқайыр хан даңғылында «Gyros» тез тамақтану кафесі, «Астана» шағынауданында Barbershop «Blade», Ю.Гагарин көшесінде «Керуен», «Мир дверей», Д.Нұрпейісова көшесінде «Мир обуви» дүкендері уақытша жабылды.

Басқарма басшысы Мәдениет Танауовтың айтуынша, арнайы мониторинг топ мүшелері күн сайын тексеру жұмыстарын жүргізуде. Соның нәтижесінде аталған нысандарда дезинфекциялық заттардың, антисептик жетіспейтіні, қызметкерлердің маска, қолғап кимейтіні, басқа да санитарлық талаптардың сақталмағаны анықталды.

«Мамандар тексергеннен кейін бұзушылықтарды жою жөнінде біз нысандарға ұсыныс береміз. Нысан иелері өз еріктерімен сауда және қызмет орындарын жабады. Сосын керекті құрал-жабдықтарды алып, әзір болған соң біздің мамандар барып, тексеріп, дайындық актісін жасайды. Соның негізінде қайта ашылады. Күні бүгінге дейін барлығы 21 нысан жабылса, бұзушылықтарды ретке келтірген 11-і қайтадан өз қызметтеріне кірісіп жатыр», деді ҚазАқпарат тілшісіне М.Танауов.

Еске сала кетейік, бұдан бұрын Оралда санитарлық талаптарды сақтамаған 11 нысанның қызметі тоқтатылғанын, демалыс күндері ҰБТ тапсыратын түлектерді арнайы көлік тасымалдайтынын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT