+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Оралда Президенттік көпсайыстан ҚР ІІМ біріншілігі мәреге жетті

2017 жылғы 1 шілде 13:33
Бөлісіңіз:
Оралда Президенттік көпсайыстан ҚР ІІМ біріншілігі мәреге жетті

ОРАЛ. ҚазАқпарат - Орал қаласында Қазақстан полициясының 25 жылдығы мен ЭКСПО-2017 халықаралық көрмесіне арналған Президенттік көпсайыстан ҚР ІІМ чемпионаты мәреге жетті, деп хабарлайды «ҚазАқпарат» тілшісі.

ҚР Ішкі істер министрлігі мен «Динамо» дене шынықтыру-спорт қоғамы жеке құрамның дене дайындығын арттыруға, сондай-ақ қызметтік-қолданбалы және олимпиадалық спорт түрлерін дамытуға тұрақты көңіл бөліп келеді. Аталмыш біріншілік - соның бір дәлелі.


null

БҚО ІІД баспасөз қызметінен түскен мәліметке қарағанда, бұл жолы Ақ Жайықта ұйымдастырылған жарысқа еліміздің барлық облыстарынан 15 команда құрамында 100-ден астам адам қатысты. Олар жауынгерлік қарудан нысана көздеуден, жүзуден, 60, 100, 1000 және 3000 метрге жүгіруден, орында тұрып секіруден, граната лақтырудан сынға түсті.

Чемпионат қорытындысында жалпы есепте СҚО ішкі істер департаменті командасы үздік шықты. Қарағандылықтар екінші, қостанайлықтар үшінші орынға көтерілді.


null

Жекелей сында 30 жасқа дейінгілерден қызылордалық Абзал Жақыпбаев, 35 жасқа дейінгілерден қарағандылық Еркебұлан Қамиев, 40 жасқа дейінгілерден Ақмола облысынан келген Берік Нұрғалиев, 45 жасқа дейінгілерден қостанайлық Тайыр Ақанов жеңімпаз атанды.


null

Осы күндері ҚР құқық қорғау органдары, арнайы және күштік құрылымдары арасында Президенттік көпсайыстан «Динамо» дене шынықтыру-спорт қоғамының VІ жазғы салалық спартакиадасы да өткізілді. Бұл жарысқа барлығы бес команда қатысып, жалпы есепте ҚР ІІМ командасы топ жарды. ҚР ҰҚК шекара қызметі командасы екінші, ҚР ІІМ Ұлттық ұланы өкілдері үшінші орындарды бөлісті. Жекелей сында ҚР ІІМ өкілдері Дмитрий Комков (30 жасқа дейін), Сергей Шумков (40 жасқа дейін), Айдар Сәуірбаев (45 жасқа дейін) озық шықты.


null

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT