+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Оралда пойыз ер адамды қағып кетті

2021 жылғы 9 шілде 11:23
Бөлісіңіз:
Оралда пойыз ер адамды қағып кетті

ОРАЛ. ҚазАқпарат – Оралда пойыз ер адамды қағып кетті, деп хабарлайды ҚазАқпарат тілшісі.

БҚО денсаулық сақтау басқармасының баспасөз хатшысы Айнагүл Сақпосынованың мәлім еткеніндей, бүгін түнгі сағат 01.56-да жедел жәрдемге қоңырау шалынып, Деркөл ауылында ер адамды пойыз қағып кеткені жөнінде хабар түскен.

«Оқиға орнынан орта жастағы ер адам облыстық көпбейінді ауруханаға жеткізілді. Ол оқиға салдарынан екі аяғынан айырылды. Қазіргі кезде жағдайы ауыр, жансақтау бөлімінде», деді А.Сақпосынова.

ҚР ІІМ Көліктегі полиция департаменті баспасөз қызметінің нақтылауынша, оқиға «Тауарлы Кардон» айналымында болды. Аталған дерек ҚР ҚК 344-бабы 1-бөлігі, яғни теміржол көлігі қозғалысының қауіпсіздік қағидаларын бұзу бойынша Орал станциясындағы желілік полиция бөлімінің сотқа дейінгі тергеп-тексерудің бірыңғай тізілімінде тіркелді. Қазір тергеу амалдары жүргізілуде. Бұл іс бойынша басқа ақпарат ҚР Қылмыстық іс жүргізу кодексінің 201-бабы талаптарына сәйкес тергеу мүддесіне орай жариялауға жатпайды.

Еске сала кетейік, Оралда 25 жастағы жігітті пойыз қағып кеткенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT