Оралда полицейлерге пара бермек болған өзбекстандық ұсталды

None
None
ОРАЛ. ҚазАқпарат – Оралда полицейлерге пара бермек болған өзбекстандық азамат ұсталды, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға 24 ақпан күні шамамен сағат 18.50-де Самара-Шымкент жолы бойындағы «Еуразия» кемпингі маңында болды.

Патрульдік автокөлік салонында 1991 жылғы өзбекстандық азамат ҚР Әкімшілік құқықбұзушылық кодексі 590-бабы 7-бөлігіне сәйкес әкімшілік жауапкершілікке тартпауды өтінген. Сол үшін патрульдік полиция батальонының аға инспекторы, полиция аға лейтенанты Б.Сәлімов пен инспектор, полиция лейтенанты Б.Әбдіманапұлына 2 мың теңге пара бермек болған.

Анықталғанындай, «Лада Ларгус» автокөлігінің жүргізушісі сол күні сағат 18.30-да жол қозғалысы ережесі талаптарын (тиісті рұқсатсыз қайта жабдықталған көлікті айдау) бұзған. Соған сәйкес әкімшілік хаттама толтырылған.

Қазіргі кезде күдіктіге қатысты ҚР ҚК 367-бабы 1-бөлігіне (пара беру) сәйкес тергеу амалдары жүргізілуде. Оған міндетті түрде келу түріндегі процессуалдық мәжбүрлеу шарасы қолданылды.

Осылайша жыл басынан бері полицейлер парадан бас тартқан бесінші дерек тіркелді.


Соңғы жаңалықтар