Оралда «Мастер» дүкені өртенді

None
None
ОРАЛ. ҚазАқпарат – Орал қаласында бос тұрған «Мастер» құрылыс материалдары дүкені өртенді, деп хабарлайды ҚазАқпарат тілшісі.

БҚО ТЖ департаменті зілзалалардың қауіп-қатерін азайту және азаматтық қорғау саласындағы бақылау басқармасының бастығы Ерлан Төрегелдиевтің айтуынша, оқиға 7 сәуір күні Құрманғазы көшесі 112/2-мекенжайында орын алды.

Қала орталығында орналасқан, жұмыс жасамай тұрған дүкеннің төбесі жанды.

Өрт аумағы 50 шаршы метрді қамтыды.

«Тілсіз жау» өрт сөндірушілердің күшімен (13 адам, 2 техника) сағат 14.01-де ауыздықталды.

Зардап шеккендер жоқ.

«Ғимаратта өрт қауіпсіздігі ережелерін сақтаудың маңызы зор. Соның ішінде төбеге шығатын, жертөлеге түсетін есіктер құлыптаулы болуы тиіс», деді ҚазАқпарат тілшісіне Е.Төрегелдиев.

Еске сала кетейік, бұдан бұрын Оралда бос тұрған ғимараттың өртенгенін жазған болатынбыз.


Соңғы жаңалықтар