+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Оралда коронавируспен күрес шараларына 94 млн теңге бөлінді

2020 жылғы 3 сәуір 04:18
Бөлісіңіз:
Оралда коронавируспен күрес шараларына 94 млн теңге бөлінді

ОРАЛ. ҚазАқпарат – Оралда коронавируспен күрес шараларына 94 млн теңге бөлінді, деп хабарлайды ҚазАқпарат тілшісі.

Ұқсас жаңалықтар
Маңғыстауда дәрі-дәрмек жетіспеушілігі мәселесі аптаның соңында шешіледі Сарапшы: Карантин режимін бұзғандарға 83 мың теңге айыппұл - мәжбүрлі шара Сәкен Майғазиев қазақстандықтарды сабырға шақырып, күйзеліске түспеуге кеңес берді

Орал қаласының әкімі Абат Шыныбековтің айтуынша, бұл – төтенше жағдай үшін арнайы қарастырылған қаржы.

Осы қаржыға қаланы дезинфекциялауға қажетті арнайы химиялық реагенттер сатып алынды. Қазіргі кезде адам көп жүретін орындар (бақ, скверлер, тротуар, аялдамалар), қала көшелері, иесіз қалған көпқабатты үйлердің кіреберістерін дезинфекциялау жұмыстары жүргізілуде. Бұған 72 адам, 11 техника жұмылдырылған.

Сонымен қатар, полиция, мониторинг тобы, басқа да қызметтер үшін медициналық маска, антисептик құралдары, арнайы киімдер алынды.

Оған қоса қалада 31 наурыздан бастап карантин режімінің шектеу шарасы енгізілуіне байланысты 405 мекеменің жұмыс жасауына қолдау білдірілді. Ал 145-іне рұқсат берілген жоқ. Денсаулық сақтау, қалалық инфрақұрылым және коммуналдық қызмет мекемелерінің жабылмайтыны белгілі. Сондай-ақ өңдеу өнеркәсібі, ауыл шаруашылығы, бөлшек сауда, азық-түлік, дәрі-дәрмек пен медициналық бұйымдар және күнделікті тауарлар сататын орындар жұмыстарын жасай береді. Азық-түлік дүкендері сағат 09.00-ден кешкі 21.00-ге дейін ашық болады.

«Екі күннің ішінде карантинге байланысты мекеме-кәсіпорындар мен тұрғындардан жедел штабқа 5 мыңға жуық өтініш түсті. Тағы бір айта кететін жайт, қызметкерлердің үйден жұмысқа дейін, жұмыстан үйге дейін жеке көліктерімен қатынауға құқықтары бар», деді ҚазАқпарат тілшісіне Абат Шыныбеков.

Еске сала кетейік, бұдан бұрын Оралда жазасын өтеушілердің 36 мыңға жуық медициналық маска тіккенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT