Оралда көпқабатты үйден өрт шығып, 6 бала құтқарылды

None
Фото: БҚО ТЖД
ОРАЛ. ҚазАқпарат - Орал қаласында бес қабатты үйден өрт шығып, 6 бала құтқарылды, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға 31 мамыр күні сағат 10.25-те «Құрылысшы» шағынауданында болды.

«Төртінші қабатта орналасқан балконда жеке заттар, есік, терезе жақтауы отқа оранды. Өрт аумағы 20 шаршы метрді құрады. Оқиға орнынан 7 адам эвакуацияланып, 2, 3, 4 және 5-қабаттан автосаты арқылы 6 бала құтқарылды. Зардап шеккендер жоқ. «Тілсіз жау» сағат 10-45-те оқшауланып, 11.14-те сөндірілді. БҚО ТЖ департаменті өрт қауіпсіздігі ережелерін қатаң сақтау керектігін еске салады», деп хабарлады ведомстводан.

Еске сала кетейік, бұдан бұрын Оралда тұрмыстық қалдықтар полигонында қоқыс 4 күннен бері бықсып жатқанын жазған болатынбыз.


Соңғы жаңалықтар