+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Оралда көлікпен соқтығысқан мотоциклдің 15 жастағы жүргізушісі мерт болды

2021 жылғы 15 маусым 23:46
Бөлісіңіз:
Оралда көлікпен соқтығысқан мотоциклдің 15 жастағы жүргізушісі мерт болды

ОРАЛ. ҚазАқпарат – Оралда автокөлікпен соқтығысудан ауруханаға түскен мотоцикл жүргізушісі көз жұмды, деп хабарлайды ҚазАқпарат тілшісі.

Ұқсас жаңалықтар
Семейде «КамАЗ» бен жеңіл көлік соқтығысып, 1 адам зардап шекті Алматы маңында болған жол апатынан бір адам қаза тапты Ақсуда ер адам суға батып кетті

Бүгін қала көшелерінің бірінде автокөлік мотоциклмен жүрген екі жасөспірімді қағып кеткенін жазған болатынбыз.

Мотоциклді тізгіндеп келе жатқан 15 жастағы бозбала облыстық көпбейінді аурухананың жансақтау бөліміне жатқызылған еді.

Облыстық Денсаулық сақтау басқармасының баспасөз қызметінен мәлім еткеніндей, жасөспірімге ота жасалған. Алайда алған жарақаттары ауыр болғандықтан, ол қаза болды.

"Қайтқан жасөспіріммен бірге болған 15 жастағы қыз облыстық көпбейінді балалар ауруханасына жеткізілген. Жабық бас-ми жарақатын алып, миы шайқалған. Оған қоса, қолы сынған. Жағдайы қанағаттанарлық", - деді басқармадан.

БҚО Полиция департаменті баспасөз қызметінің хабарлауынша, Оралда жол-көлік оқиғалары көбейіп кетті.

Тағы бір жол апаты 15 маусым күні сағат 20.19-да А.Тайманов пен М.Ықсанов көшелерінің қиылысында болды. Жолаушы тасымалдаумен айналысатын «Лада Гранта» автокөлігінің 45 жастағы жүргізушісі 54 жастағы Х. айдап келе жатқан осындай көлікке жол бермей, аударылып қалған. Соның салдарынан екінші көліктің жүргізушісі мен 53 жастағы жолаушы әйел жарақат алды.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT