Оралда кәмелетке толғандарға жеке куәліктер табыс етілді

ОРАЛ. Тамыздың 28-і. ҚазАқпарат /Ғайсағали Ералы/ - Орал қаласының әкімі Самиғолла Оразов қала мектептерінің кәмелетке толған он екі үздік оқушысына жеке куәліктерін салтанатты түрде табыс етті,

деп хабарлайды ҚазАқпарат тілшісі.

Қала басшысы олардың ел азаматтары қатарына қосылғанын айтып, ендігі міндет Қазақстанның одан әрі дамуына өз үлестерін қосу екендігін атап көрсетті.

Қаладағы №30 мектептің шәкірті Лунара Жексенованың айтуынша, Ата заң мерекесі алдында бұл олар үшін ерекше қуаныш болды. Өзінің арманы - қазақ тілі пәнінің мұғалімі болу. Өйткені тәуелсіз Қазақ елінің болашағы оның тілінде.