19:02, 11 Наурыз 2020 | GMT +6
Оралда із-түзсіз кеткен 31 жастағы ер адам іздестіріліп жатыр
ОРАЛ. ҚазАқпарат – Оралда із-түссіз жоғалып кеткен ер адам іздестіріліп жатыр, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, 1989 жылғы Асылбек Орынбайұлы Іңкәрғалиев 14 ақпан күні сағат 15.00-де Деркөл ауылындағы үйінен шығып кеткеннен оралмаған.
Оны департаменттің криминалдық полиция басқармасы іздестіруде.
Белгілері: бойы - 175 см, арықша келген, шашы - қысқа, қара, мұрны тік.
Басына қара бөрік киген, үстінде капюшоны бар қара күрте, қарақоңыр-көк түсті джинси шалбары бар, етігі де қара.
Егер А.Іңкәрғалиев туралы білетіндер болса, 98-45-30, факс 8(7112)50-80-32, 8-775-717-11-19, 8-707-881-66-66 немесе 102 телефонына хабарласқаны жөн.