Оралда ер адам мас күйінде 6 жасар қызды алып кетпек болған

None
None
ОРАЛ. ҚазАқпарат – Оралда ер адам мас күйінде 6 жасар қызды алып кетпек болған, деп хабарлайды ҚазАқпарат тілшісі.

БҚО полиция департаментінің баспасөз қызметінен алынған мәліметке қарағанда, оқиға 2 тамыз күні Зачаган кентінде болды.

Сағат шамамен 21.30-да Зачаган полиция бөліміне белгісіз ер адамның Мұрат Мөңкеұлы көшесіндегі тұрғын үйдің ауласынан 6 жасар қызды алып кетпек болғаны жөнінде хабар түскен.

Оның бұл әрекеті видеоға түсіп қалған.

Қазіргі кезде қыздың анасының арызы Зачаган полиция бөлімінде тіркелді. Ер адам ұсталды.

Оқиғаның мән-жайы анықталу үстінде. Кейін процессуалдық шешім қабылданатын болады.

Күдікті орта дәрежелі мас күйінде болған.

Еске сала кетейік, бұдан бұрын БҚО тұрғынының бас үйітемін деп күйіп қалғанын жазған болатынбыз.



Соңғы жаңалықтар