Оралда ер адам енесін атып өлтіріп, қайын атасын жаралады - куәгерлер
2018 жылғы 11 мамыр 08:46

Оралда ер адам енесін атып өлтіріп, қайын атасын жаралады - куәгерлер

ОРАЛ. ҚазАқпарат - 10 мамыр күні кешкілік Орал қаласындағы «Құрылысшы» шағынауданында көпқабатты үйлердің бірінде қайғылы оқиға болды, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға орнына жедел жәрдем сағат 20.24-те шақырылып, олар үш минуттан кейін жеткен.

«Оқ тиген 60 жастағы әйел жедел жәрдем келгенге дейін көз жұмған. Ішінен оқ тиген 1951 жылғы ер адам қалалық көпбейінді ауруханаға жеткізілді. Оған түнде ота жасалды. Ота алты сағатқа созылды. Жағдайы ауыр», - деді ҚазАқпарат тілшісіне А.Сақпосынова.

Оқиға куәгерлерінің сөзіне қарағанда, жас адам енесін атып өлтірген. Қайын атасына да оқ тиген.

Қазіргі кезде оқиғаның жай-жапсары анықталып жатыр.

Автор:
Тілші

Jańalyqtar

MURAǴAT