11:42, 12 Мамыр 2021 | GMT +6
Оралда ер адам алтыншы қабаттан құлап, мерт болды
ОРАЛ. ҚазАқпарат - Оралда ер адам алтыншы қабаттан құлап, мерт болды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға бүгін түнгі сағат 01.40-та Исатай-Махамбет көшесі 82/1-мекенжайында болды.
1963 жылғы ер адам терезеден секіріп, өзіне-өзі қол жұмсаған.
Марқұмның мүрдесі сот-медициналық сараптамаға жіберілді.
Облыстық денсаулық сақтау басқармасының баспасөз қызметі нақтылағанындай, жедел жәрдем сағат 02.04-те шақырылды. Сол үйде тұрған ер адам жедел жәрдем келгенге дейін көз жұмды.
Еске сала кетейік, бұдан бұрын Оралда жасөспірім қыздың бесінші қабаттың терезесінен құлап кеткенін жазған болатынбыз.