Оралда екі автокөлік түйісіп, жүргізуші қаза тапты
2021 жылғы 5 қыркүйек 15:27

Оралда екі автокөлік түйісіп, жүргізуші қаза тапты

ОРАЛ. ҚазАқпарат – Оралда екі автокөлік түйісіп, жүргізуші қаза тапты, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, оқиға 5 қыркүйек күні шамамен сағат 11.30-да Жәңгір хан көшесі бойында болды.

«Ауди» автокөлігінің 34 жастағы жүргізушісі жол қозғалысы қауіпсіздігін қамтамасыз етпей, қарсы бетке шығып кеткен. Соның салдарынан «Ниссан» автокөлігімен бетпе-бет соқтығысты.

Жол апатынан «Ниссан» автокөлігінің 33 жастағы жүргізушісі оқиға орнында көз жұмды.

«Ауди» автокөлігінің жүргізушісі жансақтау бөліміне жеткізілді.

Жол апатынан «Ниссан» автокөлігінің жолаушысы да зардап шекті. Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, ер адамның бірі жедел жәрдем келгенге дейін қайтыс болса, қалған екеуі түрлі жарақат алды. 1988 жылғы ер адам жабық бас-ми жарақатына қоса миы шайқалып, мұрны мен білек сүйегі сынған. 1987 жылғы ер адам да жабық бас-ми жарақатына қоса миы шайқалып, оң жақ жіліншігі сынған.

Автокөліктерде қыстырылып қалған жүргізушілерді БҚО ТЖ департаменті жедел құтқару жасағының құтқарушылары шығарды.

Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.

БҚО полиция департаменті жолда қауіпсіздікті ұмытпай, жылдамдықты асырмау қажеттігін еске салады.

Куәгерлердің сөзіне қарағанда, Шаған өзенінен өтетін көпір мен Зачаган кенті арасында болған жол апаты салдарынан осы маңда кептеліс орын алды.

Еске сала кетейік, бұдан бұрын Оралда кісі өлтірген күдіктінің іздестіріліп жатқанын жазған едік.

Сондай-ақ Оралда жастар жаппай төбелесті.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT