+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Оралда бірнеше бағыттағы автобустың қозғалысы тоқтатылды

2020 жылғы 4 маусым 13:42
Бөлісіңіз:
Оралда бірнеше бағыттағы автобустың қозғалысы тоқтатылды

ОРАЛ. ҚазАқпарат – Оралда 4 маусымнан бастап бірнеше бағыттағы автобустың қозғалысы тоқтатылды, деп хабарлайды ҚазАқпарат тілшісі.

Ұқсас жаңалықтар
Қостанай облысында карантин режимі күшейтілді Жамбылда шектеу шаралары күшейтіледі

Орал қаласы жолаушылар көлігі және автомобиль жолдары бөлімі жолаушылар көлігі секторының меңгерушісі Алмаз Ахошевтің айтуынша, №3 Меловые горки – Плодоовощной, №35 Жайық өзені жағалауы – Д.Қонаев шағынауданы және №10 Базар – Подхоз бағыттарында қатынайтын автобустарда санитарлық талаптар сақталмаған.

Аталған автобустарда жүргізушілер мен кондукторлар бетперде мен қолғап кимей жұмыс істеген. Автобус салондарын дезинфекциялау жұмыстары жүргізілмеген.

Сондай-ақ жолаушылар тарапынан да санитарлық талапты сақтамау жиі кездеседі.

«Мұндай жұмыстар жалғасады. Бөлім мамандары автобустардың санитарлық талапқа сәйкестігін күн сайын тексереді. Егер бұл талаптар сақталмаса, басқа бағыттағы автобустар қозғалысын да тоқтатуға дейін тиісті шаралар қабылданады», деді ҚазАқпарат тілшісіне А.Ахошев.

Еске сала кетейік, бұдан бұрын Оралда коронавирус қатеріне байланысты орталық саябақтың қайта жабылғанын жазған болатынбыз.

Сондай-ақ бүгін бірқатар өңірдің әкімдіктеріне санитарлық-эпидемиологиялық талаптарды күшейту тапсырылды.

Батыс Қазақстанда соңғы тіркелген 22 науқастың 16-сы – бұрын коронавирус жұқтырғандармен байланыста болғандар. Ал 6 адамнан профилактикалық мақсатта сынама алынған.

Осылайша өңірде ауырғандар саны 754-ке жетіп, соның 327-сі жазылып шықты.





Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанат Қапалбаева
Жанат Қапалбаева
954-059

MURAǴAT