+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Оралда айыппұлын төлей алмаған бұрынғы полицей түрмеде жазасын өтейді

2018 жылғы 20 желтоқсан 12:18
Бөлісіңіз:
Оралда айыппұлын төлей алмаған бұрынғы полицей түрмеде жазасын өтейді

ОРАЛ. ҚазАқпарат - Оралда айыппұлын төлей алмаған бұрынғы полиция қызметкерлері түрмеде жазасын өтейді, деп хабарлайды ҚазАқпарат тілшісі.

БҚО сотының баспасөз қызметінен түскен мәліметке қарағанда, Альфия Хабибуллина, Әсем Найзабекова және Бақытжамал Есенәлиева ҚР ҚК 366-бабы 3-бөлігі 2-тармағына сәйкес айыпты деп танылған болатын.

Орал қалалық сотының биылғы 15 ақпандағы үкімімен олардың әрқайсысына параның жетпіс еселенген мөлшерінде, яғни 17,5 млн теңге көлемінде айыппұл салынған еді.

Сонымен қатар, бұрынғы полиция қызметкерлері жергілікті өзін-өзі басқару және мемлекеттік органдарда лауазымды қызмет атқару құқығынан өмір бойына айырылып, А.Хабибуллина мен Б.Есенәлиева капитан, Ә.Найзабекова лейтенант шенімен қош айтысқан болатын.

Заңға сәйкес айыппұл үкімде көрсетілген мерзімде төленбеген жағдайда бас бостандығынан айыру жазасына ауыстырылады.

Орал қалалық сотының қаулысымен аталған үш сотталушыға 17,5 млн теңге көлеміндегі айыппұл жазасы 7 жыл бас бостандығынан айыру жазасын қауіпсіздігі орта қылмыстық-атқару жүйесі мекемесінде өтеуге ауыстырылды.

Сот қаулылары заңды күшіне енген жоқ.

Еске сала кетейік, бұдан бұрын Оралда парақор полицейлерге 17,5 млн теңгеден айыппұл салынғанын жазған болатынбыз.

Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT