Оралда автокөлік пен мотоцикл түйісіп, екі жүргізуші қаза тапты

None
None
ОРАЛ. ҚазАқпарат – Орал қаласында автокөлік пен мотоцикл түйісіп, екі жүргізуші қаза тапты, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткендей, 18 маусым күні шамамен сағат 15.03-те Бәйтерек ауданы Белес ауылы бағытындағы айналма жолда болды.

«Фольксваген Пассат» автокөлігі (жүргізушісі 1959 жылғы ер адам) мен мотоцикл (жүргізушісі 1990 жылы туған) соқтығысқан.

Жол апаты салдарынан екі жүргізуші де оқиға орнында мерт болды.

Қазіргі кезде оқиға орнында полиция қызметкерлері жұмыс жасап, мән-жайды анықтап жатыр.

Еске сала кетейік, бұдан бұрын Оралда көлікпен соқтығысқан мотоциклдің 15 жастағы жүргізушісі мерт болғанын, жедел жәрдем көлігі экскаватормен түйісіп, екі адамның ауруханаға жатқызылғанын жазған едік.


Соңғы жаңалықтар