+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Оралда автокөлік мотоциклмен жүрген екі жасөспірімді қағып кетті

2021 жылғы 15 маусым 20:33
Бөлісіңіз:
Оралда автокөлік мотоциклмен жүрген екі жасөспірімді қағып кетті

ОРАЛ. ҚазАқпарат – Оралда автокөлік мотоциклмен жүрген екі жасөспірімді қағып кетті, деп хабарлайды ҚазАқпарат тілшісі.

Ұқсас жаңалықтар
Алматыда КамАЗ мопед мінген жігітті қағып, мерт қылды

БҚО полиция департаментінің баспасөз қызметі мәлім еткендей, оқиға 15 маусым күні Х.Доспанова мен Ф.Неусыпов көшелерінің қиылысында болған.

Шамамен сағат 17.00-де «Шаран» автокөлігінің 1987 жылғы жүргізушісі мотоциклді өткізбей, қағып кеткен.

Жол апаты салдарынан мотоциклді жүргізіп келе жатқан 2006 жылғы жасөспірім облыстық көпбейінді аурухананың жансақтау бөліміне жатқызылды. Мотоциклде онымен бірге болған 2005 жылғы қыз да жарақат алған.

Оған қоса «Шаран» автокөлігіндегі бір жолаушының да денсаулығына зақым келген.

Қазіргі кезде оқиғаның жай-жапсары анықталу үстінде.

Сондай-ақ бүгін шамамен сағат 15.20-да М.Мәметова мен Құрманғазы көшелерінің қиылысында 22 жастағы жүргізуші «ВАЗ» автокөлігімен жол қозғалысы қауіпсіздігін қамтамасыз етпей, жарық бағанына соғылған.

Салдарынан жүргізуші мен жолаушы жарақат алды.

Еске сала кетейік, бұдан бұрын полицейлер аударылған автокөліктен үш адамды шығарып үлгергенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT