Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Оралда автобус пен жеңіл көлік соқтығысып, 18 жастағы жүргізуші қаза тапты

2022 жылғы 8 маусым 22:36

ОРАЛ. ҚазАқпарат – Орал қаласында автобус пен жеңіл көлік соқтығысып, 18 жастағы жүргізуші қаза тапты, деп хабарлайды ҚазАқпарат тілшісі.

БҚО полиция департаментінің баспасөз қызметінен мәлім еткеніндей, оқиға 8 маусым күні сағат 18.35-те болды.

Жәңгір хан көшесінде №7 бағытта жүретін автобус пен «Лада Калина» автокөлігі түйісті.

Соның салдарынан жеңіл көліктің 18 жастағы жүргізушісі оқиға орнында көз жұмды. Аталған дерек бойынша ҚР ҚК 345-бабы 3-бөлігіне сәйкес сотқа дейінгі тергеу амалдары басталды.

БҚО денсаулық сақтау басқармасының баспасөз қызметінен нақтылағанындай, жедел жәрдем сағат 18.48-де шақырылды. Оқиға орнында жас жігіт мерт болды.

БҚО ТЖ департаменті баспасөз қызметінің толықтыруынша, оқиға орнына құтқарушылар да барды. Олар жеңіл автокөлікте қыстырылып қалған марқұм жүргізушінің мүрдесын шығарды.

Еске сала кетейік, бұдан бұрын Батыс Қазақстанда автокөлік аударылып, екі адамның көз жұмғанын жазған болатынбыз.

Сондай-ақ Ақсай қаласында 9-қабаттан құлаған ер адам мерт болды.


Автор:

Ғайсағали Сейтақ

Новости по теме
Ұқсас жаңалықтар
Серіктестер жаңалықтары