Оралда 82 жастағы кейуана үшінші қабаттың терезесінен құлап кетті

ОРАЛ. ҚазАқпарат - Оралда 82 жастағы кейуана үшінші қабаттың терезесінен құлап кетті, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға 4 шілде күні сағат 21.36-да В.Короленко көшесі, 32 мекенжайында болған.

1938 жылғы кейуана байқаусызда 3-қабат терезесінен кіреберістің төбесіне құлаған.

Құтқарушылар оны жерге түсіріп алды.

Алдын ала мәлімет бойынша, жабық ми жарақатын алып, миы шайқалған зейнеткер ауруханаға жатқызылды.

Еске сала кетейік, бұдан бұрын Оралда екі жасар қыз баланың терезеден құлап кеткенін жазған болатынбыз.