Оралда 6 жасар қызды алып кетпек болған ер адамға қатысты қылмыстық іс қозғалды

ОРАЛ. ҚазАқпарат – Оралда 6 жасар қызды алып кетпек болған ер адамға қатысты қылмыстық іс қозғалды, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, аталған оқиға бойынша ҚР ҚК 24-125-бабы 2-бөлігіне (адамды ұрлауға оқталу) сәйкес тергеу амалдары жүргізілуде.

Қазіргі таңда 63 жастағы ер адамнан ешқайда кетпеу туралы қолхат алынды.

Еске сала кетейік, бұдан бұрын Оралда ер адамның мас күйінде 6 жасар қызды алып кетпек болғанын жазған едік.