Оралда 4 жасар қыз бала төртінші қабаттан құлап кетті

ОРАЛ. ҚазАқпарат - Оралда 4 жасар қыз бала төртінші қабаттан құлап кетті, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға кеше болған.

Жедел жәрдем сағат 17.19-да шақырылып, оқиға орнына бес минуттан кейін жетті.

Абырой болғанда, 2015 жылғы қыз аман қалды.

«Нейрохирург қарап, бас пен мидың жарақаты жоқ деп тапты. Облыстық балалар ауруханасына жеткізілген бүлдіршіннің жағдайы орташа ауыр», - деді ҚазАқпарат тілшісіне А.Сақпосынова.