+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Оралда 3 жасар қыз бесінші қабаттың терезесінен құлап кете жаздады

2021 жылғы 24 қыркүйек 00:53
Бөлісіңіз:
Оралда 3 жасар қыз бесінші қабаттың терезесінен құлап кете жаздады

ОРАЛ. ҚазАқпарат - Оралда 3 жасар қыз бесінші қабат терезесінен құлап кете жаздады, деп хабарлайды ҚазАқпарат тілшісі.

БҚО полиция департаменті баспасөз қызметінен түскен мәліметке қарағанда, оқиға 23 қыркүйек күні шамамен сағат 12.55-те У.Громова көшесіндегі бес қабатты үйде болды.

Бесінші қабат терезесінен 3 жасар қызды көрген тұрғындар 102 телефонына хабарлаған.

Оқиға орнына тез жеткен учаскелік полиция инспекторы, полиция капитаны Ақылбек Айтқожин құтқарушылар келгенше есік арқылы бүлдіршінді әңгімеге тартып, терезеден құлауға жол бермеген.

ТЖД қызметкерлері есікті ашып, ішке кіріп, анасының келуін күткен.

Қыздың анасының сөзіне қарағанда, ол түс кезінде екі үлкен баласын мектепке апару үшін ұйықтап жатқан қызын сыртынан кілттеп, кетіп қалған.

Жарты сағаттай уақыт ішінде ұйқыдан оянған қыз басын терезеден шығарып тұрған. Оны көрген көршілер полицияға хабар берген.

Қыздың анасы дер кезінде жетіп, қолұшын бергені үшін полицей мен құтқарушыларға алғысын білдірді.

БҚО ТЖ департаментінің баспасөз қызметі оқиғаны растап, сағат 13.02-де кішкентай қызды құтқаруға жедел құтқару жасағынан 4 қызметкер, 1 техниканың қатысқанын жеткізді.

Еске сала кетейік, бұдан бұрын Оралда төртінші қабаттан құлаған қыз баланың жағдайы өте ауыр екенін жазған болатынбыз.

Сондай-ақ Оралда 28 жастағы келіншек жаңа туған сәбиін сатып жіберген.


Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT