Оралда 16 жасар қыз төртінші қабаттан секіріп, аман қалды

ОРАЛ. ҚазАқпарат – Оралда 16 жасар қыз төртінші қабаттан секіріп кетті, деп хабарлайды ҚазАқпарат тілшісі.

Оқиға 16 қыркүйек күні кешкісін Ә.Молдағұлова көшесі 9-мекенжайында орын алды.

Облыстық денсаулық сақтау басқармасының баспасөз қызметі мәлім еткеніндей, қыз бас сүйегінен жарақат алып, миы шайқалған. Оң жамбасының ұшы сынған.

Аман қалған қыз облыстық көпбейінді ауруханаға жеткізілді.

Қазіргі кезде оның жағдайы орташа ауыр дәрежеде, бөлімшеде жатыр. Диагнозы – жамбасы мен иығы сынған, жабық бас-ми жарақаты.

Еске сала кетейік, бұдан бұрын Оралда ер адамның денесі табылғанын жазған болатынбыз.