Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Орал тұрғыны мас күйінде полиция пунктін таспен ұрған

2022 жылғы 10 мамыр 13:13

ОРАЛ. ҚазАқпарат - Оралда мас тұрғын полиция пунктін таспен ұрған, деп хабарлайды ҚазАқпарат тілшісі.

Бұл көрініс әлеуметтік желіге жүктеліп, тарап кеткен.

Бейнежазбаға ер адамның полиция пунктін таспен ұрып жатқаны түсіп қалған. Сосын оны тағы бір ер адам келіп, алып кеткен.

БҚО полиция департаменті баспасөз қызметінен түскен мәліметке қарағанда, оқиға 9 мамыр күні сағат шамамен 09.30-да, Д.Нұрпейісова көшесінде болды.

Мас күйінде жүрген 44 жастағы А деген ер адам полиция пунктін кірпіш тасқа ұқсас затпен соғып, зақым келтірген.

Осылайша, қоғамдық тәртіпті бұзып, айналасындағы адамдарды сыйламаушылық танытқан.

«Аталған ер адамға қатысты ҚР Әкімшілік құқық бұзушылық туралы кодексінің 434-бабына сәйкес хаттама толтырылды», деп хабарлады ведомстводан.



Новости по теме
Ұқсас жаңалықтар
Серіктестер жаңалықтары