Орал қаласының бюджеті 1 миллиардтай теңгеге нақтыланды

ОРАЛ. Қазанның 29-ы. ҚазАқпарат /Ғайсағали Ералы/ - Орал қалалық мәслихатының кезектен тыс, 22-сессиясы болып, онда қала бюджеті нақтыланды,

 деп хабарлайды ҚазАқпарат тілшісі.

Қала бюджетінің кіріс бөлігі республикалық және облыстық қазына қаржысы және салықтық түсімдер есебінен 1 миллиардтай теңгеге көбейді. Осының басым бөлігі қаланы жылумен және сумен қамту жүйесіне жұмсалмақ. Атап айтқанда, «Жайықжылуқуат» АҚ-ға - 650 млн., «Орал су арнасы» МКК-ға 75 млн. теңге бөлінді. Сондай-ақ қалалық тұрғын үй-коммуналдық шаруашылық, жолаушылар көлігі және автомобиль жолдары бөліміне - 80 миллиондай, мәдениет және тілдерді дамыту бөліміне - 21 миллионнан астам, ішкі саясатқа 1 млн. теңге берілді. Басқа әлеуметтік маңызды нысандар да ұмыт қалған жоқ.