Орал қаласындағы көше бойынан граната табылды

ОРАЛ. ҚазАқпарат - Оралда Производственная көшесі бойынан граната табылды, деп хабарлайды ҚазАқпарат тілшісі.

Облыстық ТЖ департаментінің баспасөз қызметінен түскен мәліметке қарағанда, кеше сағат 20.15-те гранатаға ұқсас зат табылған.

Арнайы шаралар барысында ол шынында да Ф-1 гранатасы болып шықты.

БҚО ішкі істер департаменті оқу-жаттығу взводының саперлары қаладан үш шақырым жерде әскери гранатаның көзін жойды.