Орал қаласында тұрғын үй өртенді

ОРАЛ. ҚазАқпарат – Орал қаласында тұрғын үй өртенді, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға кеше кешкісін Зачаган кенті «Сарытау» шағынауданында болған.

Сағат 20.41-де А.Гужвин атындағы көшеде тұрғын үйдің отқа оранғаны жөнінде хабар түскен.

Мансардты үйдің төбесі мен қабатаралық ағаш жақтаулары жанған. Өрттің аумағы 70 шаршы метрді қамтыды.

Сағат 22.44-те өрттің беті қайтып, бүгін 00.33-те сөндірілді. Оған барлығы 16 адам, 5 техника жұмылдырылды.

Зардап шеккендер жоқ.

Қазіргі кезде өрттің шығу себебі, кінәлі адамдар, келтірілген шығын көлемі анықталуда.