16:53, 16 Қыркүйек 2018 | GMT +6
Оңтүстік Кореяда ұшақ апатқа ұшырады
АСТАНА. ҚазАқпарат - Жексенбі күні Оңтүстік Кореяның батысында Чолла-Пукто провинциясы Ванджу уездінде жеке жеңіл моторлы ұшақ апатқа ұшырап, екі адам мерт болды, деп хабарлайды Ренхап агенттігі өрт сөндіру қызметінің қызметкерлеріне сілтеме жасап.
Іздеу-құтқару жұмыстары полицияға ұшақтың апатқа ұшырағаны туралы бірнеше хабарлама түскеннен кейін ғана басталғаны хабарланды.
Оқиға жергілікті уақытпен сағат 15.30-да болған. Ұшақтың неліктен апатқа ұшырағаны анықталып жатыр.