+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Оңтүстік Кореяда коронавирустан қайтыс болғандар саны 7 адамға жетті

2020 жылғы 24 ақпан 09:29
Бөлісіңіз:
Оңтүстік Кореяда коронавирустан қайтыс болғандар саны 7 адамға жетті

СЕУЛ. РЁНХАП – ҚазАқпарат – Оңтүстік Кореяда жаңа коронавирустан жетінші адам қаза тапты, тағы 161 адам індет жұқтырды, деп хабарлайды Рёнхап.

Осылайша, елде жалпы дертке шалдыққандар саны 763 болды

Денсаулық сақтау органдары өкілдерінің айтуынша, Чхонда оңтүстік-шығыс аумағындағы емханаға барған 62 жастағы ер азамат жексенбі күні коронавирустан өмірден өтті.

Қазіргі уақытта Қытайдан келген індет жеті адамның өмірін қиды.

Билік өкілдері вирус таралып жатқан екі негізгі ошақты атады, олар – оңтүстік-шығыстағы Тэгу қаласындағы діни секта мен көршілес Чхонодағы емхана. Елдегі дертке шалдыққандардың жартысынан көбі осы аумақта тіркелген.

Вирус жұқтырған жаңа 161 адамның 142-і Сеулден оңтүстік-шығысқа қарай 300 км қашықтықта орналасқан Тэгу қаласы мен көршілес Солтүстік Кенсанда анықталды. Тағы үш оқиға Сеулде тіркелді, делінген Корей ауруларды бақылау және алдын алу орталығының мәлімдемесінде.

Жексенбі күні Оңтүстік Корея вирусты ескерту дәрежесін ең жоғарғы – «қызылға» дейін көтерді. Бұл 2009 жылы H1N1шошқа тұмауы таралған уақыттан бергі алғашқы қауіп жағдайы.

Жоғарғы дәреже билік өкілдеріне мектептерді уақытша жабуға, Оңтүстік Кореядан шығатын және келетін рейстердің санын қысқартуға мүмкіндік береді.

Коронавирустың таралып кетуін болдырмас үшін Білім министрлігі барлық балабақшалар мен мектептерге жаңа семестрдің басталуын бір аптаға шегере тұруды тапсырды.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT