+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Оңтүстік Кореяда коронавирус жұқтырудың саны рекордтық деңгейге жетті

2021 жылғы 24 қыркүйек 13:10
Бөлісіңіз:
Оңтүстік Кореяда коронавирус жұқтырудың саны рекордтық деңгейге жетті

СЕУЛ. YONHAP. ҚазАқпарат – Оңтүстік Кореяда коронавирус жұқтырудың күн сайынғы саны жұма күні рекордтық деңгей – 2434-ке жетіп, 10 тамызда тіркелген бұрынғы антирекордты (2221 оқиға) жаңартқан, деп хабарлайды ҚазАқпарат YONHAP агенттігіне сілтеме жасап.

Тұрғындардың Чхусок мерекесі (Оңтүстік Кореядағы Алғыс айту күні) кезінде жаппай жүруі коронавирустың бүкіл ел бойынша жылдам таралуына себеп болды.

Елдің денсаулық сақтау органдары дүйсенбіден сенбіге дейін болған Чхусок кезінде миллиондаған оңтүстіккореялық азаматтардың туған қалаларына жол тартуынан кейін вирус жұқтырудың күн сайынғы өсімін болжаған еді.

Кореяның Ауруларды қадағалау және алдын алу агенттігінің (KDCA) мәліметінше, елде СOVID-19 вирусын жұқтырудың 2434 жаңа оқиғасы тіркелген, соның ішінде 2416-cы – жергілікті инфекция жағдайлары. Ауру жұқтыру өсіміне байланысты, елде індетке шалдыққандардың жалпы саны 295 132 адамға жеткен.

Елде бір күнде коронавирустан тағы жеті адам қайтыс болғаны хабарланды. Қауіпті індеттен көз жұмғандардың жалпы саны 2434 адамға жетті.


Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT