+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

«Оңтүстік Қазақстан» газеті 95 жылдық мерейтойын атап өтті

2019 жылғы 7 желтоқсан 05:27
Бөлісіңіз:
«Оңтүстік Қазақстан» газеті 95 жылдық мерейтойын атап өтті

ТҮРКІСТАН. ҚазАқпарат - Ұлт руханиятына, қазақ журналистикасына үлкен үлес қосып келе жатқан «Оңтүстік Қазақстан» газетіне биыл - 95 жыл. Осыған орай, Түркістан төрінде салтанатты шара өтті, деп хабарлайды ҚазАқпарат.

Ұқсас жаңалықтар
Қасым-Жомарт Тоқаев қазақстандықтарды Тәуелсіздік күнімен құттықтады Тәуелсіздік алдындағы демографиялық дағдарысты еңсердік - Мемлекет басшысы ҚР Президенті: Байтақ жерімізді мұра еткен бабалар аманатына адал болу – парызымыз

Мерейтойда «Оңтүстік Қазақстан» газетінің редакция ұжымына ҚР Президенті Қасым-Жомарт Тоқаевтың алғыс хаты, ҚР Парламенті Сенатының бірнеше депутатының, ҚР Ақпарат және қоғамдық даму министрі Дәурен Абаевтың, ҚР Президентінің баспасөз хатшысы Берік Уәлидің құттықтау жеделхаттары тапсырылды.

Жиындағы алғашқы құттықтау сөз облыс әкімінің орынбасары Сәкен Қалқамановқа берілді.

«Бұл мерейтой редакция ұжымының ғана емес, тұтас Түркістан облысы халқының ортақ мерекесі. Өйткені, «Оңтүстік Қазақстан» – қарашаңырақ басылым. Оның тарихы ұлт қайраткерлері Сұлтанбек Қожанов пен Тұрар Рысқұлов негізін қалаған «Ақ жол» газетінен бастау алады. Бұл газетте Ә.Бекейханов, Х.Досмұхаммедов, М.Дулатов, Н.Төреқұлов, М.Жұмабаев, М.Әуезов секілді ұлт жанашырларының қаламының ізі қалған. Сондай-ақ, О.Жандосов, О.Исаев, Б.Кенжебаев сынды көрнекті тұлғалар редакторлық қызмет атқарған. «Оңтүстік Қазақстан» – өзіндік мектебі қалыптасқан іргелі басылым. Ол - ұлт журналистикасының шеберханасы. Қазақ журналистикасындағы жүйріктер мен ақиық ақындар, көрнекті жазушылар осында қызмет етіп, түлеп ұшты», – деген Сәкен Қалқаманов облыс әкімі Өмірзақ Шөкеевтің құттықтау хатын оқып берді.

Мұнан кейін Түркістан облыстық мәслихатының атынан депутат Саттар Қуашбаев, облыстық ардагерлер кеңесі төрағасының орынбасары Үрзада Айтөреева, «Nur Otan» партиясы Түркістан облыстық филиалы төрағасының бірінші орынбасары Бейсенбай Тәжібаев, Қазақстанның Құрметті журналисі Байдулла Қонысбек, ҚР Журналистер одағы Түркістан облыстық филиалының төрағасы Ғалымжан Елшібай құттықтау сөз сөйледі.

Айтулы мерекеде газеттің ардагері Сәділ Кадеевке Қазақстанның Құрметті журналисі белгісі тапсырылды. Сонымен қатар редакция қызметкерлері мен ардагерлері, тұрақты авторлар мен белсенді оқырмандар облыс әкімінің алғыс хаттарымен, облыстық мәслихаттың грамотасымен, басқа да мемлекеттік органдардың, партиялар мен қоғамдық ұйымдардың алғыс хаттарымен марапатталды.

Жиында Қазақстанның халық әртісі Қажыбек Бекбосынов, белгілі әншілер Мақсат Айтжанов, Құралай Сәтмұхаметова, Майгүл Тұрыскелдиева және басқа да өнерпаздар әннен шашу шашып, өнерлерін ортаға салды. Салтанатты шара 9 жастағы талантты әнші Сағын Өмірбайдың орындауындағы «Мен қазақпын» әнімен қорытындыланды.

Газеттің мерейін асырған салтанатты шарадан кейін өзге облыстардан арнайы келген БАҚ өкілдері өзара пікір алмасқан «Өңірлік БАҚ: проблемалары мен перспективалары» тақырыбында форум өтті.

Біздің каналымызға жазылыңыз:

Басты сөздер: Түркістан облысы, БАҚ, Аймақ,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT