+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Онкологиялық науқастарды шетелге жіберуден бонус алатын компаниялар бар

2019 жылғы 15 қазан 11:56
Бөлісіңіз:
Онкологиялық науқастарды шетелге жіберуден бонус алатын компаниялар бар

НҰР-СҰЛТАН. ҚазАқпарат – Онкология ауруларын емдеу үшін ақша жинаумен айналысатын компаниялар анықталып жатыр. Бұл туралы ҚР Денсаулық сақтау министрлігі Қазақ онкология және радиология ғылыми-зерттеу институты басқарма төрайымы, м.ғ.д. Диляра Қайдарова мәлім етті, деп хабарлайды ҚазАқпарат тілшісі.

Ұқсас жаңалықтар
Алматыда IV халықаралық «Денсаулық сақтаудағы инновация - 2019» ғылыми форумы өтіп жатыр Маңғыстауда кей ауруханаларда өртелуге тиіс препараттар қоқыс жәшігінде жатқан Ақтауда тыйым салынған препарат сатқан дәріхана анықталды

«Түркияға, Кореяға немесе Еуропаға барып емделгенді қалайтын адамдар бар. Дегенмен де дәл осы ем-дом шараларын біз де ұсындық. Біз осы жағдайлардың барлығын тексеріп шықтық. Еліміздегі науқастарды емделуге шет елдерге жіберуді шынымен де лоббилендіретін компаниялар бар. Олар осы қызметі үшін тиісті бонустар алады. Бұл өз кезегінде қандай да бір бизнес түрі», - деді Д. Қайдарова Онкологиядағы Дүниежүзілік көшбасшылар саммитінде тілшілер сауалына жауап бере отырып.

Оның атап өтуінше, шілде айынан онкологиялық көмек көрсетудің әрбір оқиғасын тексеру шаралары басталды. Осы орайда соңғы үш айда аталған хабарландырулар саны төмендеген.

«Біз олармен (компаниялармен) байланысқа шықтық. Бұл тұрғыда олардың емделушінің палатасына барып, баланы шетелге жіберу үшін ақша жинап беру ұсынысын жасайтынын анықтадық. Негізінен, бұл шаралар балалар онкологиясы бойынша жүргізіледі. Әрине, бұл тұрғыда заңсыз ештеңе де жоқ», - деді Д. Қайдарова.

Бұдан бұрын хабарланғандай, бүгін елордада Онкологиядағы Дүниежүзілік көшбасшылар саммитінің жұмысы басталды. Шараға 70 елден 350 делегат қатысып жатыр.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT