11:51, 26 Қаңтар 2021 | GMT +6
Өңірлердегі ЖОО сапасын арттыру үшін 20 академиялық орталық құрылады
НҰР-СҰЛТАН. ҚазАқпарат – Өңірлердегі жоғары оқу орындарының сапасын арттыру үшін 20 академиялық басым орталық құру басталады. Бұл туралы Үкіметтің кеңейтілген отырысында Премьер-Министр Асқар Мамин айтты, деп хабарлайды ҚазАқпарат тілшісі.
«Отандық ғылымды жүйелі дамыту аясында жер қойнауын пайдаланушылардың ғылыми-зерттеу және тәжірибелік-конструкторлық жұмыстарға қаражат салуын орталықтандыру көзделген. 500 ғалымды әлемдік жетекші ғылыми орталықтарға тағлымдамаға жіберу ұйымдастырылады» - деді Асқар Мамин.
Оның айтуынша, жас ғалымдарға 1 мың грант бөлінеді.
«Өңірлердегі жоғары оқу орындарының сапасын арттыру үшін 20 академиялық басым орталық құру бойынша жоба іске асырыла бастайды», - деді ҚР Премьер-Министрі.