Өңірлерде коронавирус науқастары азайып, инфекциялық стационарлар қайтадан жабылып жатыр
«Күнделікті мониторингке сәйкес, осы жылдың 14 қыркүйегіндегі жағдай бойынша өңірлер шегінде республикадағы инфекциялық және реанимациялық төсек-орын жүктемесі 35 пайызды құрайды. Толықтай алғанда елде 1 тамыздан бастап инфекциялық төсек-орын жүктемесі - 56 пайыздан, реанимациялық төсек-орын - 45 пайыздан 35 пайызға дейін төмендеді», - деді ол.
Министрдің айтуынша, коронавирус инфекциясы бойынша эпидемиологиялық ахуалдың тұрақтануына байланысты өңірлерде инфекциялық төсек орындарды қысқарту жұмыстары жүргізіліп жатыр.
«25 тамыздан бері Алматы, Нұр-Сұлтан, Шымкент қалаларында, Атырау, Қарағанды, Түркістан, Маңғыстау облыстарында коронавирус инфекциясын жұқтырған науқастарды емдеуге арналған инфекциялық бөлімше ретінде ашылған 57 нысан жабылды. Жалпы төсек-орын қоры 12 211 төсек-орынға қысқарды», - деді Алексей Цой.