Өңірлер бір-бірімен үйлеспейтін шешімдер қабылдап жатыр - Мемлекет басшысы
«Өңірлер түрлі, бір-бірімен үйлеспейтін шешімдер қабылдап жатыр. Әкімшілік шаралар мен шектеулер де бір-бірінен алшақ. Мұның барлығы мәселелерді күрделендіріп, вируспен жалпыхалықтық күреске еш пайдасын тигізбей отыр. Сол себепті індетпен күрес және теріс әлеуметтік-экономикалық салдарды жою бойынша барлық шешімдерді Премьер-Министр басшылық ететін Мемлекеттік комиссия аясында әзірлеуді тапсырамын», - деді Мемлекет басшысы.
Осы ретте ҚР Президенті аталған Мемлекеттік комиссия төсек-орын, медицина қзметкерлері мен көмекші персоналдар, стационарлар мен дәріхана желілеріндегі дәрі-дәрмек, қажетті құрал-жабдықтар (оның ішінде өкпені жасанды желдету аппараты мен компьютерлік томография), лабораториялық зерттеу, жеке қорғаныс құралдары бойынша сыни ресурстарды бөлуге орталықтандырылған бақылауды қамтамсыз ету тиістігін баса айтты.
«Мемлекеттік міндет - науқастар саны бойынша ең пессимистік сценарийдің өзінде денсаулық сақтауды ең негізгі ресустармен бір орталықтан қамтамасыз ету», - деді Мемлекет басшысы.