+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Өндірістік жарақат алу жағдайына көбінесе жұмыс берушілер кінәлі – елорда кәсіподағы

2019 жылғы 24 қыркүйек 17:31
Бөлісіңіз:
Өндірістік жарақат алу жағдайына көбінесе жұмыс берушілер кінәлі – елорда кәсіподағы

НҰР-СҰЛТАН. ҚазАқпарат – Нұр-Сұлтан қалалық Кәсіподақ орталығының төрағасы Тастанбек Есентаевтың айтуынша, өндірістік оқыс оқиғалардың салдарынан Нұр-Сұлтанда жыл басынан бері 8 адам көз жұмған, деп хабарлайды ҚазАқпарат тілшісі.

Ұқсас жаңалықтар
Жұмыспен қамту орталықтарының 500 қызметкері біліктілігін арттырады Елордада «Еңбек жолы» байқауының жеңімпаздары марапатталды Біржан Нұрымбетов: Міндетіміз – кадр даярлау жүйесін жұмыс беруші талабына бейімдеу

«Жыл басынан бері Нұр-Сұлтан қаласында 34 өндірістік жарақаттану жағдайы тіркелді. Олардың 27-і күрделі жарақат алумен, 8-і өкінішке қарай өліммен аяқталған. Өндірістік жарақаттану жағдайларын мемлекеттік еңбек инспекторларымен қатар, кәсіподақ өкілдері де тексереді. Өлімге алып келген төтенше жағдайларды зерттеу нәтижесі көрсеткендей, көп жағдайда жарақаттану жұмыс берушінің кінәсінен болады», - деді Тастанбек Есентаев елорданың баспасөз орталығында өткен баспасөз мәслихатында.

Оның айтуынша, жұмыс барысын дұрыс ұйымдастырмау, қауіпсіздік еңбек шарттарын қамтамасыз етпеу, еңбек шарттарын үйретпеу және түсіндірмеу, бұзылған көліктер мен құрылғыларды пайдалану, тиісті құралдармен, киім-кешекпен қамтамасыз етпеу секілді кемшіліктер оқыс оқиғаларға себеп болып жатады.

«Өндірістік жарақаттануға жол берген барлық ұйымдарда кәсіподақтардың болмағанын, еңбек қауіпсіздігі мен еңбекті қорғау бойынша өндірістік кеңестің құрылмағандығын атап өткен жөн. Құрылыс ұйымдарының бірінде қызметкердің міндетті сақтандыру шартының мерзімі өтіп кеткен. Әр жағдайға қатысты материалдар ҚР заңнамасына сәйкес, тиісті шараларды қолдану үшін өкілетті органдарға жіберілді», - деді Тастанбек Есентаев.

Еске сала кетсек, аталмыш жиында Нұр-Сұлтан қалалық орта сапасы және бақылау басқармасының бөлім басшысы Мұрат Шәкенов Нұр-Сұлтанда еңбек инспекторлары өрескел заңбұзушылыққа жол берген 8 құрылыс нысанының жұмысын тоқтатқанын хабарлаған болатын.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT