+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Он жылда несие алған қазақстандықтар саны 7 есеге өскен

2020 жылғы 2 қыркүйек 18:20
Бөлісіңіз:
Он жылда несие алған қазақстандықтар саны 7 есеге өскен

НҰР-СҰЛТАН. ҚазАқпарат – Соңғы 10 жыл ішінде ел экономикасын несиелендіру 1,8 есе, ал тұтынушылық несие алу 7 есеге өсті. Бұл туралы Мемлекет басшысы Қасым-Жомарт Тоқаевтың Қазақстан халқына Жолдауына қатысты пікір білдірген «Экономикалық зерттеулер институты» АҚ макроэкономикалық зерттеулер және болжамдау орталығының директоры Қуаныш Бейсенғазин айтты, деп хабарлайды ҚазАқпарат тілшісі.

«Экономикалық кредит құрылымындағы тұтынушылық несиенің үлесі 2010 жылғы 8% болса, биыл бұл көрсеткіш 30%-ға жетті. Алдағы уақытта тұтынушылық кредиттердің саны артса, онда оны өтеу қиынға соғады. Себебі қазіргі таңда әлемдік дағдарыс салдарынан халықтың табысы төмендеді. Сондықтан ақша-кредит саясаты жөніндегі комитет құру кредиттік ұйымдардың жауапкершілігін арттыруға, сондай-ақ несиелер бойынша шекті мөлшерлемелерді есептеуге және төмендетуге ықпал ететін болады», - деді «Экономикалық зерттеулер институты» АҚ макроэкономикалық зерттеулер және болжамдау орталығының директоры Қуаныш Бейсенғазин.

Бұдан бөлек, «Экономикалық зерттеулер институтының» сарапшысы Стратегиялық жоспарлау және реформалар жөніндегі агенттік құру бастамасы уақтылы қабылданған шешім екенін атап өтті.

«Әлемде болып жатқан дағдарыс Қазақстан экономикасына әсер етпей қоймады. Сондықтан Стратегиялық жоспарлау және реформалар жөніндегі агенттік құру туралы шешім бүгінде орынды. Оның негізгі функциясы - әлемдік тәжірибені зерттеу, сараптама жасау және стратегиялық құжаттардың іске асырылуын бақылау. Аталған орган Президентке тікелей бағынатын болады. Бұл өз кезегінде маңызды шешімдерді тез арада қабылдауға және тиімді жұмыс істеуге мүмкіндік береді», - деді «Экономикалық зерттеулер институты» АҚ төрағасының кеңесшісі Перизат Омарова.

Еске салсақ, Мемлекет басшысы Қасым-Жомарт Тоқаев Қазақстан халқына жыл сайынғы дәстүрлі Жолдауында Стратегиялық жоспарлау және реформалар жөніндегі агенттік құру туралы тапсырма берген болатын.


Біздің каналымызға жазылыңыз:

Бөлісіңіз:

Автор:

Әлихан Асқар

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жанат Қапалбаева
Жанат Қапалбаева
954-059

MURAǴAT