+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Өмірзақ Шөкеев жол қауіпсіздігін қамтамасыз ету бағытындағы жұмысты күшейтуді тапсырды

2020 жылғы 14 ақпан 20:25
Бөлісіңіз:
Өмірзақ Шөкеев жол қауіпсіздігін қамтамасыз ету бағытындағы жұмысты күшейтуді тапсырды

ТҮРКІСТАН.ҚазАқпарат – Түркістан облысында жолдардың сапасын арттырып, жол жүру қауіпсіздігін күшейтуге қатысты жоспарлар туралы Сарыағаш ауданында облыс әкімі Өмірзақ Шөкеевтің қатысуымен өткен көшпелі мәжілісте айтылды.

Ұқсас жаңалықтар
Алматыда өрт қауіпсіздігін сақтамағандарға айыппұл салынды – ТЖД Мәжілісте автобус тасымалы саласындағы мәселелер көтерілді Оралда жол апатынан кейін 2 кішкентай қыз бала ауруханаға жеткізілді

Жиынға барлық тиісті басқармалар мен құқық қорғау органдарының басшылары қатысты, деп хабарлайды ҚазАқпарат тілшісі.

Өңірде жергілікті маңызы бар автомобиль жолдарын талапқа сай келтіру үлесін 2020 жылы 77,6 пайызға жеткізу көзделген. Ал, автомобиль жолдарына жүргізілген құрылыс-жөндеу жұмыстарының ауқымы бойынша Түркістан облысы республикада көш бастап тұр.

Ағымдағы жылы аймақ бойынша 15 380 шақырым жолдың шұңқыры жамалып, 45 мың шақырымдай жерде тегістеу жұмыстары жүргізілетін болады. Қосымша 2000 жарықшамдар орнатылмақ. Жиналыста сондай-ақ, жол-көлік оқиғаларының саны артқаны да айтылды. Аймақ басшысы жағдайды тұрақтандыру үшін толық талдау жасап, тиісті шаралар жүргізуді тапсырды. Осы орайда жол белгілері, бағдаршам мен жылдамдықты өлшеу құралдары көбейтілмек.

Облыс аумағында жол апаттарының басым көпшілігі ауданаралық, жаңа жолдарда болып жатыр. Оған жүргізушілердің жылдамдықты шектен тыс асыруы себеп, дейді мамандар. Мәжілісте сондай-ақ жеке адамға қарсы қылмыстық құқықбұзушылықтардың алдын алу, өңірдегі этносаралық қарым-қатынас пен шекара маңы аудандарындағы заңдылықтардың сақталу барысы баяндалды.

Облыс әкімі Өмірзақ Шөкеев құқық қорғаушыларға бұл тұрғыда қырағылық танытып, халықтың тыныс-тіршілігін жіті назарда ұстауды тапсырды.


Біздің каналымызға жазылыңыз:

Бөлісіңіз:

Автор:

Айнұр Ақбаева

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT