+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Өмірзақ Шөкеев: Түркістан облысына екі айға қажетті дәрі-дәрмектер бір аптаның ішінде жеткізіледі

2020 жылғы 9 шілде 18:31
Бөлісіңіз:
Өмірзақ Шөкеев: Түркістан облысына екі айға қажетті дәрі-дәрмектер бір аптаның ішінде жеткізіледі

ТҮРКІСТАН. ҚазАқпарат – Түркістан облысына екі айға қажетті дәрі-дәрмектер бір аптаның ішінде жеткізіледі. Бұл туралы облыс әкімі Өмірзақ Шөкеев аймақтағы қалыптасқан эпидемиологиялық жағдай туралы ұйымдастырылған брифинг барысында айтып өтті, деп хабарлайды ҚазАқпарат тілшісі.

Ұқсас жаңалықтар
1 млн науқасты қамтамасыз ететін дәрі-дәрмек сатып алынған СК-Фармация COVID-19-ды емдейтін дәрі-дәрмектің 91 түрін сатып алған Қостанай облысына дәрі-дәрмектің кезекті партиясы жеткізілді

Өңір басшысының айтуынша, қазір облыстағы емдеу мекемелерінде дәрі тапшылығы жоқ. Барлық емханалар мен ауруханалар дәрімен толыққанды қамтамасыз етілген. Бірақ, кейінгі екі аптадағы жекеменшік дәріханалардағы жағдай жергілікті билікті алаңдатып отыр.

«Өңірде шілде мен тамыз айларына деп бөлінген дәрі-дәрмектер дәріханаларда екі-үш күнде сатылып кетті. Халық жаппай сатып алып кетті. Сондықтан біз үкіметке, арнайы комиссияға шығып, тез шұғыл арада сондай шараларды қабылдауды ұйғардық. Жалпы облыстық бюджеттен 500 млн теңгені бөліп, Өзбекстан үкіметімен байланысқа шықтық. Көрші елден арнайы бір тізіммен дәрілерді әкелуге келістік. Бүгін облысқа екі жүк көлігімен дәрі жеткізілді. Халыққа ең керекті деген антибактериалды, антикогулянтты дәрілер келіп жатыр. Екінші, Денсаулық сақтау министрлігінің ықпалымен Түрік елімен байланысып, ол жақтан антибиотиктер мен басқа да сәлі күрделі дәрілердің бәрі жеткізілмек. Сондықтан екі айлық бізге керекті дәрілер осы бір аптаның ішінде облысқа тасымалданады. Сөйтіп барлық емдеу мекемелеріне таратылатын болады. Біз қабылдап отырған шұғыл шаралардың арқасында көптеген мәселелер шешімін таппақ. Біз ол дәрілерді дәріханалар арқылы шектеулі бағамен сатуымыз керек. Және бір қолға босатылатын норманы белгілеп қоямыз. Өйткені көп жағдайда біздің тұрғындар дәрі-дәрмектерді керек болмаса да алып қоя беретін болған»,- деді Өмірзақ Шөкеев.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Үмбет Шолпан
Үмбет Шолпан
954-059

MURAǴAT