Қолданушы баптаулары
Қолданушы баптаулары
+7 (701) 759 90 19 Лента
Астана: 17 °С
Алматы: 30 °С
USD 341.18 EUR 392.97
RUB 5.34 CNY 52.50
Жаңалықтар

Өмірқұл Айниязов: Консерваторияны 3 мың теңгелік домбырамен бітіргенмін

2018 жылғы 14 маусым 16:09 1062
Бөлісіңіз:
Өмірқұл Айниязов: Консерваторияны 3 мың теңгелік домбырамен бітіргенмін

  АЛМАТЫ. ҚазАқпарат - Танымал әнші Өмірқұл Айниязов консерваторияда оқып жүрген кезіндегі домбырасын көк базардан 3 мың теңгеге сатып алған екен. Бұл туралы әншінің өзі ҚазАқпарат тілшісіне әңгімелеп берді.

Ұқсас жаңалықтар
Атыраулық өнерпаз жастар Ыстанбұл әуежайын күйге бөледі Алғаш естігенде оркестр екен деп ойладым - Өзге ұлт өкілдері домбыра жайлы

Кішкентай кезінен қолына домбыра алған әнші ең алғаш Нұртуған жыраудың «Қанекей, тілім сөйлеші» термесін былдырлап айта бастаған екен. Әнші жасынан домбыраны дыңғырлатып өскендігін есіне алды.

«Мен ата-әжемнің қолында өстім. Сол шаңырақта Өтепберген деген ағам жыр-термені жақсы білетін. Кішкентай кезімде сол кісі мені тізесіне қойып өлең айтатын. Бірінші сыныпқа барғанда ең алғаш Нұртуғанның термесі «Қанекей, тілім сөйлешіні» тарттым. Бала кезімде жаттаған Базар жырау, Тұрмағамбеттің термелері әлі күнге дейін санамнан өшкен емес», - деді Өмірқұл Айниязов.

Өмірқұл Айниязов: Консерваторияны 3 мың теңгелік домбырамен бітіргенмін 

Баланың өнерге бейімдігін байқаған ата-анасы жеткіншекті музыка мектебіне қосымша сабаққа береді.

«Музыка мектебіне 4 сыныптан бастап қатыстым. Ол жерде мен баян сыныбында оқыдым. Қосымша термеге машықтандым. Кейін музыка колледжіне күй бөліміне түстім. Әрі қарай білімімді дәстүрлі әнмен жалғастырдым», - деді әнші.

Болашақ әнші музыка колледжінде оқып жүргенде жатақханада домбырасын ұрлатып алып, консерваторияға аспапсыз келеді.

«Ол кезде ақшаның тапшы кезі. Арнайы тапсырыспен домбыра жасатуға жағдай жетпейді. Содан көк базардан барып 3 мың теңгеге домбыра сатып алдым. Сол домбыраммен консерваторияны тәмамдадым. Бағасы арзан болса да , қадірі бөлек қара домбырамды көзімнің қарашығындай етіп сақтап жүрмін. Шығармашылыққа келгеннен кейін арнайы тапсырыспен екі домбыра жасаттым. Қазір осы үш домбырамен өнер көрсетіп жүрмін», - деді ол.

Өмірқұл Айниязов: Консерваторияны 3 мың теңгелік домбырамен бітіргенмін 

Өз баласына кішкентайынан домбыра үйреткен әншіні бүгінгі жастардың қолына домбыра ұстай алмайтыны қынжылтады.

«Баламды кішкентайынан домбыраға бердім. Бүгінде ән айтып жүрген жастардың ішінде қолына домбыра ұстай білмейтіндері бар. Қазақтың баласы болғаннан кейін, оның үстіне ән айтып жүрген соң үстел басында бір-екі шығарма шертуге жарағаны жақсы ғой...» - деп әңгімесін аяқтады әнші.


Басты сөздер: Домбыра, Өнер, Алматы,
Бөлісіңіз:

Автор:

Арайлым Жолдасбай

Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат