+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Омбыда суретші Амангелді Шәкеновке ескерткіш қойылды

2019 жылғы 6 қараша 19:47
Бөлісіңіз:
Омбыда суретші Амангелді Шәкеновке ескерткіш қойылды

НҰР-СҰЛТАН. ҚазАқпарат – Ресейдің Омбы қаласындағы Қазақстан консулдығы жанында омбылық суретші Амангелді Шәкеновтің мүсіні орнатылды, деп хабарлайды ҚазАқпарат Қазақстанның Ресей Федерациясындағы елшілігіне сілтеме жасап.

Ұқсас жаңалықтар
Алматыда Шәмші Қалдаяқовтың ескерткіші ашылды Ақтөбеде Жалаңтөс баһадүрге ескерткіш орнатылды Ақтөбеде құтқарушыларға арналған ескерткіш бой көтерді

Ескерткіштің ашылуына Ресейдегі Қазақстан елшісі Иманғали Тасмағамбетов Амангелді Шәкеновтың Қазақстан Суретшілер одағының академигі болғанын және екі ел арасындағы рухани байланысты дамытуға өлшеусіз үлес қосқанын атап өтті.


«Амангелді Әбдірахманұлының суретші ретінде Ресейде қалыптасқаны сөзсіз, бірақ үлкен атақ-даңқты Қазақстаннан тапты. Оның туындылары әр уақытта да ресейліктер мен қазақстандықтардың жүрегінен ойып орын аларына, суретшінің бауырлас қос халықтың жадында мәңгіге қаларына сенімдімін», - деді елші.


Ескерткішті Санкт-Петербургтен келген мүсінші Мейрам Баймұханов қола мен граниттен жасаған. Орындықта ойға шомып отырған Амангелді Шәкеновтің мүсіні мен оның артына мольберт тұр. Тұғырға «Амангелді Шәкеновке - суретші және ұстазға» деп жазылған.

«Екі мемлекеттің мәдениетінде жарқын із қалдырған адамның ескерткіші Ресей мен Қазақстан арасындағы аймақаралық ынтымақтастық форумында ашылуы тегін емес. Біздің елдерімізді тек географиялық орын мен тығыз экономикалық байланыс қана емес, осы ескерткіште бейнеленген ортақ мәдени дәстүрлер де біріктіреді», - деді Омбы облысы үкіметі төрағасының бірінші орынбасары Валерий Бойко өзінің құттықтау сөзінде.

Ресейдің еңбек сіңірген мәдени қайраткері және Қазақстан өнер академиясының академигі Амангелді Шәкенов 2018 жылдың 1 мамырында 74 жасында қайтыс болды. Шығармашылық өмірінде суретші көптеген туындылар салды. Оның еңбектері Алматыдағы Ә.Қастеев музейінде, Президенттік мәдениет орталығында, Нұр-Сұлтан қаласындағы ҚР Өнер академиясы қорында және жеке топтамаларда сақтаулы.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT