+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Ескендір Сүлейменовтің ісі: Жол апатына кінәлі әйел сотта кешірім сұрады

2018 жылғы 17 қазан 17:20
Бөлісіңіз:
Ескендір Сүлейменовтің ісі: Жол апатына кінәлі әйел сотта кешірім сұрады

АСТАНА. ҚазАқпарат - Ақын Олжас Сүлейменовтің немересі Ескендір қаза тапқан жол апаты бойынша айыпталушы Малика Мұхитова марқұмның ата-анасынан кешірім сұрады, деп хабарлайды ҚазАқпарат.

«Кешіріңіздер мені, өтінем. Күн сайын Алладан Ескендір және сіздер кешірсе екен деп тілеймін. Мұндай жағдай боларын білмедім және қаламадым. Өтінем, мені кешіріңіздерші. Сіздерге қаншалықты ауыр екенін түсінемін», - деді М. Мұхитова Астана қаласының Есіл аудандық №2 сотында.

Сонымен бірге, ол жол апатының мән-жайын айтып берді.

«Сол күні жұмыстан ертерек жіберді. Жолай Керей мен Жәнібек хандар-Мәңгілік ел даңғылы қиылысындағы азық-түлік дүкеніне кірдім. Дүкеннен шығып, көлігіме отырдым және Керей мен Жәнібек хандар көшесіне шығу үшін солға қарай бұрыла бастадым. Тежегішті басып, айналама қарадым. Солға бұрыла бергенімде оң жағымнан қап-қара бір нәрсе келіп, көлігіме соғылды. Алғашында не болғанын түсінбедім. Көліктен түсіп қарасам, асфальтта жас жігіт жатыр. Адамдар жүгіріп келе бастады. Жедел жәрдем шақыруға әрекеттендім, бірақ маған дейін шақырып қойыпты», - деді ол.

Еске сала кетсек, 22 маусым күні Астанадағы жан түршігерлік жол апатында Олжас Сүлейменовтің 26 жастағы немересі Ескендір Сүлейменов қаза тапты. Апат елордадағы Мәңгілік ел даңғылы мен Керей мен Жәнібек хандар көшесінің қиылысында болған.

Астана қалалық Ішкі істер департаменті апатқа себепкер болуы мүмкін «Hyundai» автокөлігінің иесі, 29 жастағы астаналық әйелге қатысты тергеу амалдары жүріп жатқанын хабарлағады.

Сондай-ақ, қалалық Ішкі істер департаменті Олжас Сүлейменовтің немересі - Ескендір Сүлейменовтіғ мотоциклі соғылған көлік жүргізушісі Қызылорда облыстық Ішкі істер департаменті бастығының қызы екенін растаған.

Атышулы іс бойынша 12 қазан күні басталған сот процесі жәбірленуші тараптың өтінішімен 17 қазанға шегерілді.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT