+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Олимпиада жүлдегері Нұрбақыт Теңізбаев коронавируске шалдықты

2020 жылғы 29 маусым 15:49
Бөлісіңіз:
Олимпиада жүлдегері Нұрбақыт Теңізбаев коронавируске шалдықты

ТАЛДЫҚОРҒАН. ҚазАқпарат - Олимпиада ойындарының жүлдегері Нұрбақыт Теңізбаев коронавирус жұқтырды. Қазір ол Талдықорғандағы облыстық ауруханада ем алып жатыр, деп хабарлайды ҚазАқпарат тілшісі.

«Иә, алынған сынама оң нәтиже көрсетті. Пневмония диагнозын қойды. Ауруханада емделіп жатқаныма бір апта болды. Қазір өзімді жақсы сезінемін. Алғашқы күндері қиын болды: дене қызуым көтеріліп, қатты жөтелдім. Жедел жәрдем шақырдым. Дәрігерлер жақсы көмектесуде. Қазір көбі коронавируспен ауырып жатыр. Көз жұмғандар да бар. Сондықтан емделіп, денсаулықты күту керек», - деді Нұрбақыт Теңізбаев.

Нұрбақыт Молдахметұлы 1983 жылы 10 сәуірде Алматы облысы, Панфилов ауданы, Үшарал ауылында дүниеге келген. Грек-рим күресінен Азияның бірнеше дүркін чемпионы, 2008 жылғы Бейжің Олимпиадасының күміс жүлдегері, 2009 жылғы әлем чемпионатының қола жүлдегері атанған кәсіби спортшы.

2014 жылы Алматы облыстық жоғарғы спорт шеберлік мектебінің директоры қызметіне тағайындалды.

2018 жылдың қазан айынан бастап Алматы облыстық Дене шынықтыру және спорт басқармасының басшысы лауазымын атқарады.

Талдықорған қаласының және Панфилов ауданының құрметті азаматы, «Құрмет» орденінің иегері. Үйленген, екі баласы бар.

Естеріңізге сала кетейік, бұған дейін «Қайсар» футбол клубының 25 ойыншысы коронавирус жұқтырғаны хабарланған болатын.


Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT